நீங்கள் தேடியது "நீர்மட்டம் உயர்வு"

நெல்லை:

நெல்லை மாவட்டத்தில் வடகிழக்கு பருவமழை காரணமாக கடந்த சில நாட்களாக பரவலாக மழை பெய்து வருகிறது. மேற்கு தொடர்ச்சி மலைப்பகுதியில் 2 நாட்களாக கனமழை பெய்து வருவதால் அணைகளுக்கும் நீர்வரத்து அதிகரித்துள்ளது.

நெல்லை மாவட்டத்தில் அதிகபட்சமாக பாபநாசம் அணை பகுதியில் இன்று காலை வரை 61 மில்லி மீட்டர் மழை பெய்துள்ளது. சேர்வலாறு அணை பகுதியில் 47 மில்லி மீட்டர் மழை பெய்துள்ளது.

நகர்ப்புறங்களில் சற்று குறைவான மழையே பெய்துள்ளது. ராதாபுரத்தில் 14 மில்லி மீட்டரும், சேரன்மகாதேவியில் 9 மில்லி மீட்டரும் மழை பெய்துள்ளது. மற்ற பகுதிகளில் லேசான சாரல் மழை பெய்துள்ளது.

மழை காரணமாக பாபநாசம் அணைக்கு வினாடிக்கு 1,511 கனஅடி தண்ணீர் வருகிறது. அணையில் இருந்து வினாடிக்கு 1,005 கனஅடி தண்ணீர் வெளியேற்றப்படுகிறது. அணையின் நீர்மட்டம் நேற்றைவிட ஒரு அடி உயர்ந்து இன்று காலை 121.10 அடியாக உள்ளது. சேர்வலாறு அணை நீர்மட்டம் 130.18 அடியாக உள்ளது.

மணிமுத்தாறு அணைக்கு வினாடிக்கு 318 கனஅடி தண்ணீர் வருகிறது. அணையில் இருந்து 40 கனஅடி தண்ணீர் வெளியேற்றப்படுகிறது. அணையின் நீர்மட்டம் நேற்றைவிட ஒரு அடி உயர்ந்து இன்று காலை 100.15 அடியாக உள்ளது.

தென்மேற்கு பருவமழையின் போது மணிமுத்தாறு அணை நீர்மட்டம் 100 அடியை தாண்டி இருந்தது. அதன்பிறகு படிப்படியாக குறைந்து 80 அடியாக இருந்தது. தற்போது வடகிழக்கு பருவமழை காரணமாக நீர்மட்டம் படிப்படியாக உயர்ந்து இன்று காலை மீண்டும் 100 அடியை தாண்டியுள்ளது.

இதுபோல கடனாநதி- 75.80, ராமநதி- 69, கருப்பாநதி- 69.23, குண்டாறு- 36.10, வடக்கு பச்சையாறு- 31, நம்பியாறு- 21.62, கொடுமுடியாறு- 42, அடவிநயினார்- 98.50 அடிகளாகவும் நீர்மட்டம் உயர்ந்துள்ளது.

குற்றாலத்தில் நேற்று காலை அதிகளவு தண்ணீர் விழுந்ததால் சுற்றுலா பயணிகள் குளிக்க அனுமதிக்கப்படவில்லை. நேற்று பிற்பகல் தண்ணீர் குறைந்ததும் சுற்றுலா பயணிகள் குளிக்க அனுமதிக்கப்பட்டனர்.

இன்று காலை குற்றாலம் பகுதியில் சாரல் மழை பெய்தது. அனைத்து அருவிகளிலும் சுற்றுலா பயணிகள் குளிக்கும் வகையில் தண்ணீர் விழுந்தது. இதனால் சுற்றுலா பயணிகள் மற்றும் ஐயப்ப பக்தர்கள் குற்றால அருவிகளில் ஆனந்தமாக குளித்தனர்.

நெல்லை மாவட்டத்தில் இன்று காலை வரை பெய்த மழை அளவு மில்லி மீட்டரில் வருமாறு:-

பாபநாசம்-61
சேர்வலாறு-47
ராமநதி-15
ராதாபுரம்-14
கடனாநதி-10
சேரன்மகாதேவி-9
ஆய்க்குடி-4
அம்பை-2
சங்கரன்கோவில்-2
நெல்லை- 1.2
மணிமுத்தாறு- 1.2
செங்கோட்டை- 1 #ManimutharDam

காஞ்சீபுரம்:

வங்கக்கடலில் உருவான குறைந்த காற்றழுத்த தாழ்வு பகுதி காரணமாக சென்னை, காஞ்சீபுரம், திருவள்ளூர் மாவட்டத்தில் கடந்த 3 நாட்களாக மழை பெய்து வருகிறது.

காஞ்சீபுரம் மாவட்டத்தில் அவ்வப்போது கனமழையாக கொட்டித்தீர்த்தது. இதனால் காஞ்சீபுரம் மாவட்டத்தில் உள்ள ஏரிகளுக்கு தண்ணீர் வரத்து அதிகரித்து உள்ளது. நீர் மட்டம் வேகமாக உயர்ந்து வருகிறது.

காஞ்சீபுரம் மாவட்டத்தில் உள்ள மிகப்பெரிய ஏரியான மதுராந்தகம் ஏரியின் நீர்மட்டம் கடந்த 2 நாட்களில் பெய்த கனமழை காரணமாக 13 அடி உயர்ந்து உள்ளது.

ஏரியின் உயரம் 21.3 அடி ஆகும். தற்போது ஏரியின் நீர்மட்டம் 13 அடியாக பதிவாகி உள்ளது.

ஏரியின் முழு கொள்ளளவு 694 மில்லியன் கன அடி. தற்பொழுது 140 மில்லியன் கன அடி தண்ணீர் வந்து உள்ளது.

ஏரிக்கு கிளி ஆறு மற்றும் நெல்வாய் மதகு மூலம் 600 கன அடி தண்ணீர் வந்து கொண்டு இருக்கிறது. மேலும் நீர் வரத்து அதிகரிக்கும் என பொதுப்பணித்துறையினர் தெரிவித்துள்ளனர்.

ஏரியின் மொத்த பரப்பளவு 2411 ஏக்கர் ஆகும். கடந்த 2 நாளில் ஏரியின் நீர்மட்டம் 13 அடி எட்டி இருப்பது விவசாயிகள் மத்தியில் ஆச்சரியத்தை ஏற்படுத்தி உள்ளது.

கல்பாக்கம் சுற்றுவட்டார பகுதிகளில் 2நாட்களாக பெய்துவந்த கனமழையால் அப்பகுதி மக்களின் இயல்பு வாழ்க்கை பாதிக்கப்பட்டது.

வெங்கம்பாக்கம் கிழக்கு கடற்கரை சாலையோர மின் கம்பம் சாய்ந்து விழுந்தது பெருமாள்சேரி தரைப்பாலத்தில் 3அடிக்கு மேல் வெள்ளம் சென்றதால் முன் எச்சரிக்கை நடவடிக்கையாக அவ்வழியாக சென்ற வாகனங்களை கல்பாக்கம் அணுமின் நிலைய நகரியம் வழியாக போக்குவரத்து மாற்றம் செய்யப்பட்டது.

இதேபோல் புதுப்பட்டினம், பல்லவன்நகர், மோட்டுகொல்லை, பிரபலிமேடு, ஹாஜியாநகர், பகுதிகளிலும் வெள்ளம் சூழ்ந்தது. தகவல் அறிந்த மாவட்ட நிர்வாகம் உய்யாலிகுப்பம் கடற்கரையில் இருந்து 3கிலோ மீட்டர் தூரத்தில் உள்ள முகத்துவாரத்தை பொக்லைன் வைத்து தோன்டி மழைநீர் கடக்குள் செல்ல ஏற்பாடு செய்தனர். இதனால் மழைநீர் வெளியேறி படிப்படியாக இயல்பு நிலை திரும்பி வருகிறது. #Maduranthakamlake

திருவள்ளூர்:

தென்மேற்கு வங்க கடலில் உருவாகி உள்ள காற்றழுத்த தாழ்வு பகுதி காரணமாக சென்னை, காஞ்சீபுரம், திருவள்ளூர் மாவட்டத்தில் தொடர்ந்து 2 நாட்களாக மழை பெய்து வருகிறது.

நேற்று இரவு முதல் இன்று அதிகாலை வரை விட்டு, விட்டு பலத்த மழை கொட்டித் தீர்த்தது. இதனால் தாழ்வான இடங்களில் மழை நீர் தேங்கி உள்ளது.

சென்னை, மற்றும் புறநகர் பகுதிகளில் பெய்த கனமழை காரணமாக குடிநீர் வழங்கும் பூண்டி, செம்பரம்பாக்கம், புழல், சோழவரம் ஏரிகளில் நீர் மட்டம் வேகமாக உயர்ந்து வருகிறது.

புழல் ஏரியில் 3300 மில்லியன் கனஅடி தண்ணீர் சேமித்து வைக்கலாம். இன்று காலை நிலவரப்படி ஏரியில் 1058 மில்லியன் கன அடி உள்ளது. ஏரிக்கு 460 கனஅடி தண்ணீர் வருகிறது. 90 கனஅடி தண்ணீர் வெளியேற்றப்படுகிறது.

கடந்த 19-ந்தேதி புழல் ஏரியில் 1005 மில்லியன் கன அடி இருந்தது. மழை காரணமாக தற்போது 2 நாட்களில் 53 மில்லியன் கனஅடி உயர்ந்து உள்ளது.

செம்பரம்பாக்கம் ஏரியின் மொத்த கொள்ளளவு 3645 மி. கனஅடி. தற்போது 194 மி. கனஅடி தண்ணீர் உள்ளது.

ஏரிக்கு 230 கனஅடி தண்ணீர் வருகிறது. 45 கனஅடி வெளியேற்றப்படுகிறது.

பூண்டி ஏரியில் 363 மில்லியன் கன அடி பதிவானது. (மொத்த கொள்ளளவு 3231 மி.கனஅடி) 266 கனஅடி தண்ணீர் வருகிறது.

சோழவரம் ஏரியில் வெறும் 30 மி.கன அடி தண்ணீர் மட்டுமே உள்ளது. (மொத்த கொள்ளளவு 1089 மி.கனஅடி) 69 கன அடி தண்ணீர் வந்து கொண்டு இருக்கிறது.

பருவ மழை மேலும் தீவிரம் அடையும் என்று கூறப்படுவதால் ஏரிகளின் நீர் மட்டம் வரும் நாட்களில் கிடுகிடுவென உயரும் என்று எதிர்பார்க்கப்படுகிறது. #ChennaiRain

ஊத்துக்கோட்டை:

சென்னைக்கு குடிநீர் வழங்கும் பிரதான ஏரிகளில் ஒன்று பூண்டி ஏரி. இந்த ஏரிக்கு கிருஷ்ணா நதி நீர் பங்கீடு திட்டத்தின்படி ஆந்திர மாநிலம் கண்டலேறு அணையிலிருந்து கடந்த 29-ந் தேதி முதல் தண்ணீர் வந்து கொண்டிருக்கிறது.

பூண்டி ஏரியின் உயரம் 35 அடியாகும். 3231 மில்லியன் கனஅடி தண்ணீர் சேமித்து வைக்கலாம். கடந்த மாதம் 29-ந் தேதி பூண்டி ஏரியின் நீர்மட்டம் 12.25 அடியாக பதிவானது.வெறும் 13 மல்லியன் கனஅடி தண்ணீர் மட்டும் இருப்பு இருந்தது.

கண்டலேறு அணையிலிருந்து தொடர்ந்து கிருஷ்ணா தண்ணீர் வந்து கொண்டிருப்பதால் பூண்டி ஏரியின் நீர் மட்டம் படிப்படியாக உயர்ந்து வருகிறது. இன்று காலை 6 மணி நிலவரப்படி ஏரியின் நீர் மட்டம் 24.67 அடியாக பதிவானது. 799 மில்லியன் கனஅடி தண்ணீர் இருப்பு உள்ளது.

கடந்த மாதம் 29-ந் தேதி முதல் இன்று காலை வரை 28 நாட்களில் பூண்டி ஏரியின் நீர் மட்டம் 12. 42 அடி உயர்ந்துள்ளது. பூண்டி ஏரிக்கு வினாடிக்கு 524 கனஅடி வீதம் கிருஷ்ணா நீர் தொடர்ந்து வந்து கொண்டிருக்கிறது.

பூண்டியில் ஏரியில் இருந்து புழல் ஏரிக்கு வினாடிக்கு 400 கனஅடி தண்ணீர் வீதம் இணைப்பு கால்வாயில் திறக்கப்படுகிறது. சென்னை குடிநீர் வாரியத்துக்கு 18 கனஅடி நீர் பேபி கால்வாய் மூலமாக அனுப்பப்படுகிறது. #PoondiLake

கூடலூர்:

கேரளா மற்றும் தேனி மாவட்டத்தில் தொடர்ந்து மழை பெய்து வருகிறது. இதனால் அணைகளின் நீர்மட்டமும் உயர்ந்து வருகிறது. நீர்பிடிப்பு பகுதியில் மீண்டும் மழை தொடங்கி உள்ளதால் முல்லைப்பெரியாறு அணைக்கு நீர்வரத்து 2629 கன அடியாக உயர்ந்துள்ளது.

இதனால் அணையின் நீர்மட்டம் 134 அடியை எட்டி உள்ளது. அணையில் இருந்து 1977 கன அடி நீர் திறந்து விடப்படுகிறது. கொடைக்கானல் மற்றும் மேற்கு தொடர்ச்சி மலைப் பகுதியில் பெய்து வரும் மழை காரணமாக மஞ்சளாறு அணைக்கு நீர்வரத்து 193 கன அடியாக உயர்ந்துள்ளது. 57 அடி முழு கொள்ளளவு கொண்ட அணையின் நீர்மட்டம் தற்போது 53.75 அடியாக உள்ளது.

சோத்துப்பாறை அணையின் நீர்மட்டம் 126.60 அடியாக உள்ளது. அணைக்கு 168 கன அடி நீர் வருகிறது. அணையில் இருந்து 30 கன அடி நீர் திறக்கப்படுகிறது.

பெரியாறு 20.4, தேக்கடி 24.6, கூடலூர் 13.4, சண்முகாநதி அணை 21, உத்தமபாளையம் 17.4, வீரபாண்டி 50, மஞ்சளாறு 105, சோத்துப்பாறை 14, கொடைக்கானல் 20 மி.மீ. மழை அளவு பதிவாகி உள்ளது. தொடர்ந்து மழை பெய்து வருவதால் விவசாயிகள் மற்றும் பொதுமக்கள் மகிழ்ச்சி அடைந்துள்ளனர்.

நெல்லை, தூத்துக்குடி மாவட்டங்களில் வெப்பசலனம் காரணமாக கடந்த சில நாட்களாக பரவலாக மழை பெய்து வருகிறது. நேற்று காலையில் வெயில் அடித்தது. பின்னர் மாலையில் கருமேகங்கள் சூழ்ந்து மழை பெய்ய தொடங்கியது.

சில பகுதிகளில் இடி, மின்னலுடன் மழை பெய்தது. குறிப்பாக ஆய்க்குடி, தென்காசி, சேர்வலாறு, சங்கரன்கோவில் ஆகிய பகுதிகளில் கன மழை பெய்தது. இதனால் சாலைகளில் மழை நீர் வெள்ளம்போல் பெருக்கெடுத்து ஓடியது.

தென்காசியை அடுத்த ஆய்க்குடி பகுதியில் இடி மின்னலுடன் மழை பெய்தது. அப்போது மழைக்காக அங்குள்ள பஸ் நிறுத்தம் அருகே ஒதுங்கி நின்ற ஆனந்த் என்பவர் மின்னல் தாக்கி காயமடைந்தார். உடனே அக்கம்பக்கத்தினர் அவரை மீட்டு சிகிச்சைக்காக அங்குள்ள தனியார் ஆஸ்பத்திரியில் சேர்த்தனர். அதே பகுதியில் மின்னல் தாக்கி 3 ஆடுகள் பலியாயின.

தாழ்வான இடங்களில் மழை நீர் தேங்கியது. வெப்பம் தணிந்து குளிர்ந்த கால நிலை நிலவியது. நீர்பிடிப்பு பகுதிகளில் பெய்துவரும் மழையினால் அணைகளுக்கு நீர் வரத்து அதிகரித்து உள்ளன. ஏற்கனவே தென்மேற்கு பருவ மழையினால் நெல்லை மாவட்டத்தில் பாபநாசம், கடனா, ராமநதி, கருப்பாநதி, குண்டாறு, கொடுமுடியாறு, அடவிநயினார் அணை உள்ளிட்ட அணைகள் நிரம்பியதால் தற்போது இந்த அணைகளில் கணிசமான அளவு தண்ணீர் உள்ளது. இந்த நிலையில் தற்போது பெய்து வரும் மழை காரணமாக அணைகளுக்கு கூடுதலாக தண்ணீர் வருகிறது.

பிரதான பாசன அணையான பாபநாசம் அணை நீர்மட்டம் 104.40 அடியாக உள்ளது. அணைக்கு வினாடிக்கு 647 கன அடி தண்ணீர் வந்துகொண்டிருக்கிறது. சேர்வலாறு அணை பராமரிப்பு பணிக்காக நீர்மட்டம் வேகமாக குறைக்கப்பட்டது. தற்போது அணைப்பகுதியில் மழை பெய்து வருவதால் தண்ணீர் தேக்கப்பட்டு வருகிறது. நேற்று இந்த அணை நீர்மட்டம் 51.34 அடியாக இருந்தது.

இரவு பெய்த மழையினால் இந்த அணை நீர்மட்டம் ஒரே நாளில் 23 அடி உயர்ந்து இன்று காலை 74.31 அடியாக உயர்ந்துள்ளது. மணிமுத்தாறு அணை நீர்மட்டம் 84.80 அடியாகவும், கடனா அணை நீர்மட்டம் 66 அடியாகவும், ராமநதி அணை 59.75 அடியாகவும், கருப்பாநதி அணை நீர்மட்டம் 67.53 அடியாகவும், அடவிநயினார் அணை நீர்மட்டம் 86.75 அடியாகவும் உள்ளன. குண்டாறு அணை ஏற்கனவே நிரம்பிய நிலையில் உள்ளது.

குற்றாலம் மலைப்பகுதியில் நேற்று கன மழை பெய்த‌து. இதனால் நேற்று மாலை அருவிகளில் வெள்ளப்பெருக்கு ஏற்பட்டது. குற்றாலம் மெயினருவியில் ஆர்ச்சை தாண்டி தண்ணீர் கொட்டியது. ஐந்தருவியின் அனைத்து கிளைகளிலும் தண்னீர் அதிகளவு விழுந்தது. இதனால் பாதுகாப்பு கருதி சுற்றுலா பயணிகள் குளிக்க தடை விதிக்கப்பட்டது.

இன்று காலை மலைப்பகுதியில் மழை இல்லாததால் குற்றாலம் அருவிகளில் வெள்ளம் குறைந்தது. இதை தொடர்ந்து சுற்றுலா பயணிகள் குளிக்க அனுமதிக்கப்பட்டனர். ஏற்கனவே புஷ்கர விழாவுக்காக நெல்லை மாவட்டத்துக்கு வந்துள்ள வெளி மாநில பக்தர்கள் குற்றாலத்திலும் குளிக்க குவிந்துள்ளனர்.


தூத்துக்குடி மாவட்டத்திலும் நேற்று பரவலாக மழை பெய்தது. குறிப்பாக கோவில்பட்டி, கயத்தாறு பகுதியில் நேற்று மதியம் கன மழை பெய்தது. கயத்தாறில் பெய்த கன மழையினால் அங்குள்ள உப்பாற்று ஓடையில் அதிகளவு தண்ணீர் சென்றது. சாலைகளிலும் வெள்ளம் பெருக்கெடுத்து ஓடியது.

நெல்லை, தூத்துக்குடி மாவட்டங்களில் இன்று காலை வரை பதிவான மழை அளவு விவரம் மில்லிமீட்டரில் வருமாறு:-

ஆய்க்குடி-37.2, கயத்தாறு-35, சேர்வலாறு-28, தென்காசி 25.8, பாபநாசம்-22, சங்கரன்கோவில்-21, கோவில்பட்டி-11, மணிமுத்தாறு-8.8, கடனா அணை 8.2, சிவகிரி-7, அம்பை-6.6, கருப்பாநதி-6, செங்கோட்டை-5, ராமநதி அணை-4, குண்டாறு-3, அடவிநயினார் அணை-2, பாளை-2. #ServalarDam

கூடலூர்:

மேலும் நீர்நிலைகளில் தண்ணீர் வரத்து அதிகரித்துள்ளதால் நிலத்தடி நீர்மட்டமும் உயர்ந்துள்ளது. இதனால் கடந்த மாதம் 127 அடியாக இருந்த முல்லைப்பெரியாறு அணையின் நீர்மட்டம் வேகமாக உயர்ந்து 134 அடியை எட்டி உள்ளது.

மீண்டும் 142 அடியை எட்டுமா? என விவசாயிகள் ஆர்வத்துடன் எதிர்பார்த்துள்ளனர். இதன்மூலம் இருபோக நெல் சாகுபடிக்கு தண்ணீர் கிடைக்கும் என அவர்கள் தெரிவித்தனர்.

அணைக்கு 2495 கன அடி நீர் வருகிறது. அணையில் இருந்து 1946 கன அடி நீர் திறக்கப்படுகிறது.

கடமலைக்குண்டு, வெள்ளிமலை ஆகிய பகுதிகளில் தொடர்ந்து மழை பெய்துவருவதால் மூல வைகயாற்றில் தண்ணீர் வரத்து அதிகரித்துள்ளது. இதனால் வைகை அணைக்கு நீர்வரத்து 3723 கனஅடியாக உள்ளது. அணையின் நீர்மட்டம் 63.42 அடியாக உயர்ந்துள்ளது. அணையில் இருந்து மதுரை மாநகர குடிநீர் மற்றும் பாசனத்திற்காக 960 கன அடி நீர் திறக்கப்படுகிறது.

மஞ்சளாறு அணையின் நீர்மட்டம் 48.60 அடியாக உள்ளது. 123 கன அடி நீர் வருகிறது. நீர்திறப்பு இல்லை. சோத்துப்பாறை அணையின் நீர்மட்டம் 126.60 அடியாக உள்ளது. 141 கன அடி நீர் வருகிறது. 3 கன அடி நீர் திறக்கப்படுகிறது.

பெரியாறு 18.8, தேக்கடி 29.2, வைகை அணை 0.6 மி.மீ. மழை அளவு பதிவாகி உள்ளது.

ஊத்துக்கோட்டை:

சென்னைக்கு குடிநீர் வழங்கும் பிரதான ஏரிகளில் ஒன்று பூண்டி ஏரி. கிருஷ்ணா நதி நீர் பங்கீடு திட்டத்தின்படி ஆந்திர மாநிலம் கண்டலேறு அணையிலிருந்து கடந்த 29-ந் தேதி முதல் பூண்டி ஏரிக்கு தண்ணீர் வந்து கொண்டு இருக்கிறது.

இன்று காலை வினாடிக்கு 620 கனஅடி வீதம் தண்ணீர் வருகிறது. கடந்த 29-ந் தேதி ஏரியின் நீர் மட்டம் 12.25 அடியாக இருந்தது. வெறும் 13 மில்லியன் கனஅடி மட்டும் தண்ணீர் இருந்தது.

தற்போது கிருஷ்ணா தண்ணீர் வந்து கொண்டிருப்பதால் ஏரியின் நீர் மட்டம் கிடுகிடு என்று உயர்ந்து உள்ளது. கடந்த 29-ந் தேதி முதல் இன்று காலை வரை 5 நாட்களில் நீர் மட்டம் 8 அடி உயர்ந்துள்ளது. பூண்டி ஏரியின் உயரம் 35 அடி. 3231 மில்லியன் கனஅடி தண்ணீர் சேமித்து வைக்கலாம். இன்று காலை 6 மணி நிலவரப்படி நீர் மட்டம் 19.98 அடியாக பதிவாகியது. 249 மில்லியன் கனஅடி தண்ணீர் இருப்பு உள்ளது

கிருஷ்ணா நதி நீர் வரத்து தற்போது வருவது போல் தொடர்ந்தால் பூண்டி ஏரியின் நீர்மட்டம் விரைவில் முழு கொள்ளளவை எட்டும் வாய்ப்பு உள்ளது.

கூடலூர்:

முல்லைபெரியாறு அணை நீர்பிடிப்பு பகுதி மற்றும் தேனி மாவட்டத்தில் கடந்த சில நாட்களாக தொடர்ந்து மழை பெய்து வருகிறது. இதனால் விவசாயிகள் மற்றும் பொதுமக்கள் மகிழ்ச்சி அடைந்துள்ளனர். தொடர் மழை காரணமாக முல்லைபெரியாறு அணைக்கு நீர்வரத்து 5535 கனஅடியாக உயர்ந்துள்ளது.

இதன்காரணமாக அணையின் நீர்மட்டம் ஒரேநாளில் 1½ அடி உயர்ந்து 129.10 அடியாக உள்ளது. அணையிலிருந்து நீர்திறப்பு 1700 கனஅடியாக உள்ளது. இந்த நீர் பாசனத்திற்கு போக வைகை அணையை வந்துசேருகிறது.

மூலவைகையாற்று பகுதியிலும் தொடர்ந்து மழை பெய்து வருவதால் வைகை அணைக்கும் நீர்வரத்து 2415 கனஅடியாக உயர்ந்துள்ளது. அணையின் நீர்மட்டம் 57.87 அடியாக உள்ளது. அணையிலிருந்து 1390 கனஅடிநீர் திறக்கப்படுகிறது. கொடைக்கானலில் பெய்துவரும் கனமழை காரணமாக மஞ்சளாறு அணைக்கு நீர்வரத்து அதிகரித்து அணையின் நீர்மட்டம் 46 அடியாக உயர்ந்துள்ளது. நீர்வரத்து 73 கனஅடி, திறப்பு இல்லை.

சோத்துப்பாறை அணை நீர்மட்டம் 126.41 அடி. 39 கனஅடிநீர் வரும் நிலையில் 3 கனஅடி நீர் திறக்கப்படுகிறது.

தேனி மாவட்டத்தில் விடிய விடிய பரவலாக மழை பெய்தது. பெரியாறு 32, தேக்கடி 31, கூடலூர் 13, சண்முகாநதிஅணை 9, உத்தமபாளையம் 6.6, வீரபாண்டி 15, வைகை அணை 3, மஞ்சளாறு 18, சோத்துப்பாறை 17, கொடைக்கானல் 3.6 மி.மீ மழை பதிவாகியுள்ளது.

இன்று காலையும் சாரல் மழை தொடர்ந்து பெய்து வருவதால் அணைகளின் நீர்மட்டம் மேலும் உயர்ந்து நீர்நிலைகளில் தண்ணீர் வரத்து அதிகரிக்க தொடங்கியுள்ளது. #PeriyarDam

நெல்லை:

நெல்லை மாவட்டம் மேற்கு தொடர்ச்சி மலைப் பகுதியில் வழக்கத்தை விட இந்த ஆண்டு கூடுதல் மழை பெய்து வருகிறது. குண்டாறு, அடவிநயினார் அணை பகுதியில் கடந்த இரண்டு மாதத்திற்கும் மேலாக தினசரி மழை பெய்து வருகிறது.

பாபநாசம் மலைப் பகுதியில் நேற்றிரவு முதல் விடிய விடிய கனமழை கொட்டியது. இன்று காலை வரை பெய்த மழை அளவு 86 மில்லி மீட்டர் ஆகும். அணைக்கு வினாடிக்கு 4 ஆயிரத்து 120 கன அடி தண்ணீர் வந்து கொண்டிருக்கிறது. கீழ் அணையில் இருந்து வினாடிக்கு 805 கனஅடி தண்ணீர் திறந்து விடப்படுகிறது.

தண்ணீர் அதிகளவில் வருவதால் பாபநாசம் அணை நீர்மட்டம் வேகமாக உயர்ந்து வருகிறது. நேற்று 119 அடியாக இருந்த நீர்மட்டம் ஒரே நாளில் 5 அடி உயர்ந்து இன்று காலை 124 அடியாக உள்ளது.

சேர்வலாறு அணை பகுதியில் இன்று காலை வரை 59 மில்லி மீட்டர் மழை பெய்துள்ளது. நேற்று சேர்வலாறு அணை நீர்மட்டம் 138.38 அடியாக இருந்தது. இன்று அது மேலும் 2 அடி உயர்ந்து 140.88 அடியாக உயர்ந்துள்ளது.

மணிமுத்தாறு அணை பகுதியில் லேசான மழையே பெய்துள்ளது. அணைக்கு வினாடிக்கு 926 கனஅடி தண்ணீர் வருகிறது. அணையில் இருந்து வினாடிக்கு 55 கன அடி தண்ணீர் வெளியேற்றப்படுகிறது. மணிமுத்தாறு அணையின் நீர்மட்டம் நேற்றை விட ஒரு அடி உயர்ந்து இன்று 71.75 அடியாக உள்ளது.

இதேபோல் கடனாநதி அணை 82.50 அடியாகவும், ராமநதி அணை 80 அடியாகவும், குண்டாறு அணை 36.10 அடியாகவும், அடவி நயினார் அணை நீர்மட்டம் 4 அடி அதிகரித்து 132.22 அடியாக உயர்ந்து நிரம்பி வழிகிறது. கருப்பாநதி அணை நீர்மட்டம் ஒரே நாளில் 3 அடி உயர்ந்து இன்று 70.21 அடியாக உள்ளது. வடக்கு பச்சையாறு, நம்பியாறு அணைகளின் நீர்மட்டம் உயரவில்லை. தற்போது விவசாயத்திற்காக 9 அணைகளில் இருந்தும் தண்ணீர் திறந்துவிடப்படுகிறது.

நெல்லை மாவட்டத்தில் இன்று காலை வரை பெய்த மழை அளவு மில்லி மீட்டரில் வருமாறு:-

பாபநாசம்- 86, சேர்வலாறு-59, கொடு முடியாறு-55, கருப்பாநதி-43, அடவிநயினார்-35, கடனாநதி-33, குண்டாறு-20, தென்காசி-17, ராதாபுரம்-15, ஆய்க்குடி-10, செங்கோட்டை -9, ராமநதி-5, மணிமுத்தாறு-1.4 #Papanasamdam

நெல்லை:

நெல்லை மாவட்டத்தில் இந்த ஆண்டு தென்மேற்கு பருவமழை இயல்பு நிலையை விட சற்று அதிகமாகவே பெய்து வருகிறது. கடந்த 10 நாட்களாக மழை இல்லாமல் அணைகளுக்கு வரும் தண்ணீர் குறைந்தது.

இந்த நிலையில் நேற்று பிற்பகல் முதல் மேற்கு தொடர்ச்சி மலைப்பகுதியில் மீண்டும் கனமழை பெய்ய தொடங்கி உள்ளது. அதிகபட்சமாக செங்கோட்டை மலைப்பகுதியில் உள்ள அடவிநயினார் அணைப்பகுதியில் 50 மில்லிமீட்டரும், குண்டாறு அணைப்பகுதியில் 45 மில்லிமீட்டரும் பெய்துள்ளது. பாபநாசம் அணைப்பகுதியில் 21 மில்லிமீட்டர் மழையும், செங்கோட்டை நகரப்பகுதியில் 21 மில்லிமீட்டர் மழையும் பெய்துள்ளது. அம்பையில் 26 மில்லிமீட்டர் மழை பெய்தது. இதனால் அணைகளுக்கு மீண்டும் தண்ணீர் வரத்து அதிகாரித்துள்ளது.

பாபநாசம் அணைக்கு வினாடிக்கு 4 ஆயிரத்து 33 கனஅடி தண்ணீர் வந்து கொண்டு இருக்கிறது. இதனால் பாபநாசம் அணையின் நீர்மட்டம் நேற்று 110 அடியாக இருந்தது. ஒரே நாளில் 2 அடி உயர்ந்து இன்று காலை 112.25 அடியாக உயர்ந்துள்ளது.

பாபநாசம் அணைக்கு வரும் தண்ணீர் சேர்வலாறு அணைக்கு திருப்பி விடப்படுகிறது. இதனால் சேர்வலாறு அணை நீர்மட்டம் நேற்று 114.83 அடியில் இருந்து, ஒரே நாளில் 9 அடி உயர்ந்து இன்று காலை 123.23 அடியாக உள்ளது.

மணிமுத்தாறு அணைக்கு வினாடிக்கு 173 கனஅடி தண்ணீர் வருகிறது. அணையின் நீர்மட்டம் 71.65 அடியாக உள்ளது. கடனா நதியின் நீர்மட்டம் 1 அடி உயர்ந்து இன்று 83.50 அடியாகவும், ராமநதியின் நீர்மட்டம் 1 அடி உயர்ந்து இன்று 75.25 அடியாகவும் உள்ளது.

அடவிநயினார் அணைக்கு வினாடிக்கு 118 கனஅடி தண்ணீர் வந்து கொண்டு இருக்கிறது. இதனால் அணையின் நீர்மட்டம் ஒரே நாளில் 3 அடி உயர்ந்து இன்று காலை 126 அடியாக உள்ளது. குண்டாறு அணை தொடர்ந்து நிரம்பி வருகிறது. கொடுமுடியாறு அணையில் 41 அடி நீர்மட்டம் உள்ளது.

நெல்லை மாவட்டத்தில் இன்று காலைவரை பெய்த மழை அளவு மில்லிமீட்டரில் வருமாறு:-

அடவிநயினார்- 50
குண்டாறு - 45
அம்பை - 26
பாபநாசம் - 21
செங்கோட்டை - 21
ராதாபுரம் - 21
சிவகிரி - 13
மணிமுத்தாறு - 11
தென்காசி - 11
ஆய்குடி - 9.6
சேர்வலாறு - 9
சேரன்மாதேவி - 7
கொடுமுடியாறு - 7
கருப்பாநதி - 5
ராமநதி - 3
கடனாநதி - 2
நெல்லை - 1 #Servalardam

சிதம்பரம்:

கடலூர் மாவட்டம் காட்டு மன்னார்கோவில் அருகே உள்ள லால்பேட்டையில் வீராணம் ஏரி உள்ளது.

இந்த ஏரியின் மொத்த நீர்மட்டம் 47.50 அடி ஆகும். இந்த ஏரி மூலம் 44 ஆயிரத்து 856 ஏக்கர் விளைநிலங்கள் பாசன வசதி பெறுகிறது. சென்னை மக்களின் குடிநீர் தேவைக்காக 72 கன அடி தண்ணீர் அனுப்பப்படும்.

நீர் வரத்து இல்லாததால் கடந்த 5 மாதங்களாக வீராணம் ஏரி பாலைவனம் போல் வறண்டு காணப்பட்டது. கடந்த சில வாரங்களுக்கு முன்பு கர்நாடகாவில் பெய்த கனமழை காரணமாக காவிரி உபரி நீர் தமிழகத்துக்கு திறந்து விடப்பட்டது. அந்த தண்ணீர் மேட்டூர் அணைக்கு வந்தடைந்தது.


நேற்று வீராணம் ஏரியின் நீர் மட்டம் 39 அடியாக இருந்தது. ஏரிக்கு தொடர்ந்து தண்ணீர் வந்து கொண்டிருப்பதால் நீர்மட்டம் வேகமாக உயர்ந்து வருகிறது. இன்று 39.50 அடியாக ஏரியின் நீர் மட்டம் உயர்ந்துள்ளது. தொடர்ந்து இதே அளவு தண்ணீர்வந்து கொண்டிருந்தால் வீராணம் ஏரி இன்னும் 4 நாட்களில் அதன் முழு கொள்ளளவை எட்டிவிடும். 45 அடி வரை நீர் மட்டம் வந்தவுடன் சென்னைக்கு குடிநீர் அனுப்புவது குறித்து முடிவு செய்யப்படும் என பொதுப்பணித்துறை அதிகாரி ஒருவர் தெரிவித்தார். #VeeranamLake